निजता नीति

म्हे कांई जाणकारी लेवां

• खातो बणावती अर ऑर्डर करती बगत: नाम, ईमेल, फोन नंबर अर डिलीवरी रो पतो।
• थांरा ऑर्डर, सदस्यता, डिजिटल अंकां रा डाउनलोड अर पसंद री सूची।
• सम्पर्क फॉर्म, रचना भेजो फॉर्म अर न्यूज़लेटर में भरी जाणकारी।

भुगतान Razorpay माथै हुवै; थांरै कार्ड, UPI का बैंक री जाणकारी म्हां कनै कोनी आवै।

किण काम सारू

ऑर्डर पूरा करण, डिजिटल अंक देवण, सदस्यता चलावण, ऑर्डर अर सदस्यता बाबत ईमेल भेजण अर थांरा सवालां रो जवाब देवण सारू। न्यूज़लेटर फगत थांरी मरजी सूं आवै अर हर ईमेल में बंद करण रो लिंक हुवै।

किणनै देवां

थांरी जाणकारी म्हे कदैई कोनी बेचां। फगत उतरी जाणकारी, जितरी काम सारू जरूरी हुवै, इणां नै दी जावै: डाक का कूरियर (डिलीवरी सारू), Razorpay (भुगतान सारू) अर ईमेल भेजण री सेवा।

डिजिटल अंकां माथै वाटरमार्क

खरीदियोड़ै डिजिटल अंक (PDF) रै हर पानै माथै खरीदार रो नाम, ईमेल अर ऑर्डर नंबर छप्योड़ो रैवै, जिणसूं लेखकां रो हक बच्यो रैवै।

कुकीज़

लॉग इन, थैलो अर थांरी पसंद (भासा, रंग) याद राखण सारू जरूरी कुकीज़ बरतां। जे वेबसाइट रा आंकड़ा (analytics) चालू हुवै तो वै थांरी पैचाण बिना ई गिणीजै।

रुखाळी

पूरी वेबसाइट HTTPS माथै चालै अर पासवर्ड इन्क्रिप्ट कर’र राखीजै। थांरी जाणकारी जितरी जरूरी हुवै उतरै ई टैम राखां।

थांरा हक

थे आपरी जाणकारी देख सको, सुधार सको, का खातो मिटावण री अरज कर सको — support@kathesar.org माथै लिखो। न्यूज़लेटर सूं कदैई निकळ सको।

बदळाव

इण नीति में बदळाव हुवै तो इणी पानै माथै नवी तारीख साथै छपसी।