डिलीवरी नीति

कठै भेजां

फिलहाल म्हे भारत में सगळी ठौड़ डिलीवरी करां। विदेस सारू ऑर्डर करणो चावो तो पैलां सम्पर्क करो।

डिस्पैच अर डिलीवरी रो समै

• भुगतान री पुष्टि होवण रै 2 कामकाजी दिनां में ऑर्डर डिस्पैच कर देवां।
• डिस्पैच पछै आम तौर माथै 2 सूं 7 कामकाजी दिनां में डिलीवरी हुवै। दूर-दराज री ठौड़ां में कीं बेसी टैम लाग सकै।
• प्री-ऑर्डर वाळी पोथ्यां अर अंक छपतां ई भेजां; उणां री अंदाजन तारीख पोथी रै पानै माथै लिख्योड़ी रैवै।

डाक खर्चो

डाक खर्चो चेकआउट माथै, भुगतान सूं पैलां साफ दिखसी। ऑफर चालतो हुवै तो डिलीवरी मुफत ई हो सकै।

ट्रैकिंग

ऑर्डर डिस्पैच होवतां ई थांनै ईमेल में ट्रैकिंग नंबर मिलसी। ओ थांरै खातै रै ‘म्हारा ऑर्डर’ में ई दिखसी।

पतो बदळणो

डिस्पैच होवण सूं पैलां पतो बदळ सकां। इण सारू जल्दी सूं जल्दी सम्पर्क करो।

सदस्यता

सदस्यां नै हर नवो अंक छपतां ई डाक सूं भेजां।

डिजिटल अंक

डिजिटल अंक (PDF) डाक सूं कोनी जावै। भुगतान होवतां ई बो थांरै खातै री ‘म्हारी लाइब्रेरी’ में आ जावै।

देर हुवै तो

बताइज्योड़ै समै में डिलीवरी नीं हुवै तो म्हांनै बताओ — म्हे डाक का कूरियर सूं जांच करस्यां।